«أحمد بلال يسخر من ميدو بعد تصريح مصطفى شلبي كأفضل لاعب في مصر: ردود فعل مثيرة من جمال عبدالحميد»
في موقف مثير، سخر أحمد بلال، النجم السابق للنادي الأهلي، من أحمد حسام «ميدو»، عضو لجنة التخطيط في الزمالك، بعد تصريحاته القاسية تجاه لاعبي الأهلي بعد خسارتهم أمام بالميراس البرازيلي بهدفين دون رد.
ميدو، علق على المباراة قائلاً: «مفروض لعيبة الأهلي تقدم مردود أفضل من كده بكتير حتى لو هتخسر المباراة، النهاردة أنا أسف إني أكون بتابع ماتش لفريق عنده تاريخ كبير زي الأهلي، ويكون كل اللعيبة في الملعب بلا استثناء مش عارفين يعملوا أساسيات الكورة! الاستلام والتسلم والوقوف في الكورة الثابتة والتحركات، الأساسيات بتاعة الكورة مش عارف تعملها! فده كرجل مصري محب للكرة المصرية ازعل وأحزن على اللي وصلتله الكرة المصرية، احنا وصلنا لكده لأن الإعلام بيفخم ويتغنى باللعيبة محدودي الإمكانيات بيظهروا قدام فرق أقل من المتواضعة في الدوري المصري، لما بتطلع في المستوى وتقابل أندية قوية المستوى الحقيقي بيبان»
رد أحمد بلال على تصريحات ميدو خلال ظهوره في برنامج تلفزيوني على فضائية «النهار»، حيث قال: «ميدو، ده اللي قال على مصطفى شلبي، أحسن لاعيب في مصر، انتو عايزين ايه تاني بقى»
من جهته، انفعل جمال عبدالحميد، وعلق على تصريحات بلال، قائلاً: «ميدو، مش قليل في الكورة، هو يقول اللي يقوله دي وجهة نظره، متقللش من وجهة نظره»