عبّر رضا عبدالعال، نجم الأهلي والزمالك ومنتخب مصر السابق، عن استيائه من تعديلات قانون التحكيم، وذلك بعد الهدف الأول لمانشستر سيتي في مرمى الهلال الذي جاء بعد لمسة يد من لاعب السيتي.
وفي فيديو نشره عبر حسابه الشخصي على منصة إكس، قال رضا عبدالعال: «النهاردة فرقة الهلال بتدي دروس في أساسيات الكرة، واتظلموا في الهدف الأول، ولو القانون بيقول إن الهدف ده يتحسب يبقى قانون أيه ده، قانون أيه اللي بيقول إن الراجل يلمس الكورة بإيده وتتحسب جون؟»
وأضاف رضا عبدالعال: «مش لمسة اليد دي استفاد منها لاعب السيتي وسجل منها، ويقول لك القانون بيقول كده، قانون أيه ده؟ لو فيه قانون زي كده يبقى اللي عامله جاهل ومعندوش فكرة، ولو شفته هديله قلمين، ده الراجل عامل الكرة بأيده، لا والغريبة الحكم مارحش للفار، طيب مروحتش للفار ليه مش عارف»
شارك