طارق يحيى، نجم الزمالك السابق، لم يتردد في توجيه انتقادات حادة لمجلس إدارة النادي الأبيض، بعد أن تم تعيين عبدالناصر محمد، المدير السابق لنادي إنبي، في منصب مدير الكرة.
وفي تصريحات له عبر شاشة «النهار»، عبّر طارق يحيى عن استيائه قائلاً: «أنا قرفان ونفسي مسدودة ومش عايز اتكلم، لأن كتير أوي اللي بيحصل في الزمالك ده الصراحة»
وأضاف: «مع احترامي ليهم، لكن مين حسن جمعة وعبدالناصر محمد وأيمن الرمادي اللي دخلوا الزمالك دول؟ يعني إيه تاريخهم مع نادي الزمالك؟»، مشيراً إلى أن الوضع أصبح صعباً، وتساءل: «إنتوا هتوصلونا لإيه، وإحنا صابرين علشان خاطر النادي ومستحملين وساكتين على كوارث كبيرة بتحصل»
كما استكمل حديثه قائلاً: «أنا ما اعترضتش على جون إدوارد، وانت ممكن تجيب مدير رياضي مكنش ليه علاقة بالكورة من أصله، لأن ده منصب إداري، ولكن مدير الكورة لازم يكون مارس اللعبة، مع كامل احترامي طبعاً لكابتن عبدالناصر محمد (مدير الكرة الجديد)»