أرسل أحمد حسام ميدو، نجم نادي الزمالك السابق، رسالة إلى محمود عبدالرازق شيكابالا، قائد الفريق الأول لكرة القدم بالفارس الأبيض، بعد أن أعلن الأخير اعتزاله اللعب نهائيًا.
شيكابالا أعلن عن اعتزاله مساء الخميس خلال ظهوره في برنامج تلفزيوني على شاشة «إم بي سي مصر 2»، وقد تأثر بالبكاء أثناء وداعه لجماهير الزمالك.
كتب ميدو في تدوينة عبر حسابه الرسمي على منصة «إكس»: «شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بالموهبة الفطرية، ومعاها قلب طيب زي معظم أهلنا في أسوان»
وأضاف: «محمود عبدالرازق أعرفه كويس جدا، صاحب جدع وراجل من صغره، ولما اتزاملت معاه في الملعب كان قيمة فنية نادر أنك تقابلها في الملاعب المصرية، ولما دربته سواء في الزمالك أو الإسماعيلي، كان لاعب فذ يقدر يقلب أي ماتش»
وتابع: «شيكابالا أتولد في مدرجات حلمي زامورا، وأتولد وعاش جوة نادي الزمالك واختار أنه يكون أسطورة، على مدار 30 سنة لعب كورة في قطاع الناشئين والفريق الأول، وكما طريقه لحد ما أصبح كابتن تاريخي لنادي الزمالك»
وأكمل: «موهبة شيكابالا كانت تؤهله يلعب في أكبر أندية العالم، لكن حتى لما في بعض الأوقات الحظ مكنش بيقف معاه والظروف تعانده، كان بيرجع لبيته الزمالك عشان يكمل معاه رحلته، ويفضل هو روح الزمالك»
وأكد ميدو، عضو لجنة التخطيط السابق في نادي الزمالك: «في أوقات كتير كان الفريق مش في أحسن حالاته بس شيكابالا شايل الزمالك على كتفه، وحتى لما جت لاعيبة كويسة في وقت تاني، كان شيكابالا موجود كابتن بروح ميت عقبة بيدلهم على طريق البطولات ومنصات التتويج»
شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بالموهبة الفطرية، ومعاها قلب طيب زي معظم أهلنا في أسوان.محمود عبدالرازق أعرفه كويس جدا، صاحب جدع وراجل من صغره، ولما اتزاملت معاه في الملعب كان قيمة فنية نادر أنك تقابلها في الملاعب المصرية،….
— Mido (@midoahm).
وأوضح: «دلوقتي بعد ما قرر يعلق حذاءه، ويحرمنا من متعة الفرجة على سحره في الملعب، مكانه الطبيعي الرجوع لمدرج التالتة يمين، ويتكتب أسمه بحروف من نور وسط أساطير الزمالك الكبار»
وأتم ميدو تدوينته قائلًا: «رحلتك دلوقتي كادر مميز للزمالك والبداية بردوا من المدرج زي ما بدأت من 30 سنة يا ساحر»