أوضح جمال عبدالحميد، نجم نادي الزمالك ومنتخب مصر السابق، أن الفريق الأول في الزمالك يحتاج إلى نفس الدعم الذي يحصل عليه النادي الأهلي من أجل تحقيق البطولات.
وفي تصريحات له عبر فضائية «النهار»، قال جمال عبدالحميد: «الزمالك محتاج نفس الدعم اللي بيحصل عليه الأهلي، عشان يتوج بالبطولات»
كما تساءل: «هل الراعي بيدي للأهلي 2 مليار جنيه؟ هل البطولة اللي بياخدها الأهلي بياخد 2 مليار جنيه؟»
وأضاف: «الأهلي طالع مديون من بطولة كأس العالم للأندية، لأنه دفع فلوس كتير للصفقات الجديدة، فدلوقتي بقى عليه فلوس»، مشيرًا إلى أن الأهلي دفع 500 مليون لـ زيزو، و500 مليون لتريزيجيه، ليكون إجمالي ما دفعه مليار و500 مليون جنيه للاعبين قبل أن يحصل على مكافآت كأس العالم للأندية
واستمر قائلاً: «الأهلي بيجيب الفلوس دي منين؟ الزمالك عايز الدعم ده، أنا مش معايا فلوس، ونادي مشاكل واللعيبة بتروح الأهلي بكابري، وفي كل ده باخد بطولات، نادي الزمالك عظيم وجامد جدًا وأجمد نادي على مستوى أفريقيا»