أحمد حسام ميدو، نجم الزمالك السابق وعضو لجنة التخطيط السابق، وجه رسالة حول الأوضاع الحالية داخل النادي بعد تولي جون إدوارد منصب المدير الرياضي.
كتب ميدو عبر حسابه على «إكس»: «اللي بيحصل في الزمالك دلوقتي عظمة وطول عمري بحلم إن فريق الكورة يتقفل عليه ويبقى معسكر الزمالك كأنه ثكنة عسكرية، وأنا متفائل خير إن فريق الكورة على الطريق الصحيح»
وأضاف: «بقالنا سنين بنعاني من تسريب أخبار الفريق، وبقالنا سنين بنعاني من الناس اللي فاكرين الزمالك ورث شرعي وإن الشغل فيه حق مكتسب حتى لو ما عندكش أي مؤهلات»
وأكمل: «أنا والله ما ليا مصلحة مع أي حد جوه النادي دلوقتي، ولا حتى بتكلم مع أي حد، لا بكلم حد ولا برد على حد، وقررت إن الفترة الحالية أرجع مشجع بس، إرجع أروح ماتشات الزمالك من غير ما يكون ما بيني وما بين أي مسؤول في النادي أي كلام»
وتابع: «وأنا كزمالكاوي مبسوط جدًا ومتفائل إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده»